E miparinaniwok meskano 155 e rarecimok Saint-Maurice sipik mawotci mirowinakon e wapatcikateck e notcimiwok ota Québec askik.
Epwamoci takok ickote otapan meskano acitc otapan meskano, La Tuque e wi icaniwok arimac atikw apatcihakaniwipan kekotc mickaniwonopan Saint-Maurice sipik nete Grandes-Piles e otci matcehonaniwok.
Anotc nihe meskano 155 ka icinikatek weckatc meskno 19 icinikatepan. Nihe meskano rarecimon Saint-Maurice sipik. Ekota ka mawotci mirowinakok e notcimiwok e miparinaniwok. Kirawe tca pot « moto » e mipariwakaniwok mireritakonotake.
Meskano 155 apitc 1925 – weckatc meskano 19, Grand-Mère nac La Tuque ka micimok.
Minawatc ka koski otamironaniwok meskanak ki micta arimikewok ka otamirotcik iriniwok e micta sakwaskarik notcimik. Ki niciwiwok osam ki micta arimaniw ka itotisketcik. 1966 ka kictakaniwok meskano La Tuque nac Lac-Bouchette ka iticimok. Nicto pipona epwamoci kictakaniwok Lac-Bouchette ka iskocimok, aci micimonopan Lac-Édouard meskano nac otenak.
Minawatc nihe meskano 25 (R-0461) tepirak ka ici kickahaskwaniwok iticimonopan. Epwamoci cenikatek nihe meskano 25 (R-0461), 1971 ka tatopiponikak, tepirak meskanakanickica miciminopan nac nete kirawe warawik ka ici kickahaskwaniwok. Ka ickwa cenikatek meskano 25 (R-0461) matci ki icaniwonopan notcimik La Tuque e otci matceparinaniwok nac Parent acitc Saint-Michel-des-Saints. Ekoni e ki micta otamironaniwok notcimik ki tca micta atciwoparin e comewinaniwok. Kirika ki micta coriakaniwon ota Mauricie askik.
© City of La Tuque
All rights reserved 2025