Tcoperkiwama Haute-Mauricie askik.

KA MACKOWISITCIK IRINIWOK

Haute-Mauricie aski e atisokatek otcitakotc atisokatakaniwok kickahaskwe iriniwok acitc ka ki mahapotciketcik Saint-Maurice sipik. Ki micta coriakewok ka tiperitakwapan askiriw ka ici kickahaskwaniwonik. Ka otamirotcik tca micta miro kicikwakaniwipanak. Ki mitcetiwok iriniwok e piponik e nakatawaspan otiskwemiwaw acitc onitcaniciwaw kitci nta otamirotcik notcimik.

Nipewokomok Leclerc acitc atawekomok 1906 ni apitc.

Tcoperkiwama

1830 ka tatopiponikak ki iti micta mitcen tcoperikiwama Matawin acitc Rivière-aux-Rats. Atikamekw pisimw nac nikikw pisimw mitcetipanak iriniwok ka otamirowaspan notcimik. Kitci ki mackowisitcik iriniwok miro mitcisopanak. Kokoca mowepanak acitc aritciminaporiw, nanikotin namesa kekotc notcimi mitcimiriw. Micta arimanopan e kickahaskwaniwok micta aric mirokitakonopan.« 8 $ le mille carré ». Kirawe misikitakonopan patok kaskina wiec kotakihik askik. E sikok sipik icitapaniwonopan mictikok ka ki kohwakaniwitcik kitci ki itapokotcik tackipotcikanik.

Mahapotcike iriniwok

Mekwata e meskanakaniwonik, ka awotatokwetik paposihepanak mictikwa otapanaskok sipik kitci icitapetcik. Minawatc tca ka mahapotciketcik iti otamiropanak e nameteapohatcik mictikwa aka kitci matawapokotcik mictikok. Koctatikonopan maka e motesikaniwok kecpin ni e iciwepakipan.
E micta takikaminik sipiriw pa matakasiwok mahapotcike iriniwok. Mitcet nama nitawatakapanak. Mahapotcikanatikw e micta kinowaskok 3,6 m (12 pi) apatanopan e namatewepohakaniwitcik mictikok. Awocamec 3 000 ki taciwok ka mahapotciketcik.

Nipewokomok Leclerc

Kitci otapinasotcik kekotc aci e nipinik kickahaskwe iriniwok pe icapanak La Tuque. Ekota neta pecotcik ickote otapan meskanak e pehaspan Léonidas Leclerc. 1906 ka tatopiponikak nipewokamokok Leclerc ekote e ici mawotoctason ka atawespan Léo. Micta ko kitotakaniwonopan acitc petakonopan e nte micta papinaniwok neta nipewokamokok. Ekota ka ki otci nitawikitc Félix Leclerc 1914 ka tatopiponikarik acitc ka ki taci matcekitc. Omocoma Nérée, atisoke iriniwa, pa icapan tcoperikiwamik kitci nta atisokwatc kickahaskwe iriniwa kitci nta pisinatcihatc.