© City of La Tuque
All rights reserved 2025
Haute-Mauricie aski micta micaw acitc mirowinakon icpimik e otapitcikatcek.
KA NAKATAWERITAKIK NOTCIMIRIW
Ota Haute-Mauricie askik micta misikitaniwon mictikok e micta notcimiwok ekotca e micta coriakaniwok. Ka pe takocinitcik nictam ka pe nta kickahaskwetcik ekoni ka iti nokok e cipekahikaniwok notcimik.
« La Vigilance » ka miremikak , Curtis HS-2L G-CAA. Lac-à-la-Tortue ki otci masinahikatew 1922 apitc.
Kamiremakak notcimik ka apatak
1905 ka tatopiponikak,kice okimaw Québec askik ki mamitoneritam ke ki totakipan kitci manatcitakaniwonik askiriw e notcimiwonik. Ki tca ocitaw irakonikewiniw e nataweritak kitci manatcitakaniwonik askiriw. 1919 ka tatopiponikak kice okimaw ota Canada askik ki pakitinam nicw ka miremakanik nipik ka ponemakak (Curtiss HS-2L) aniki otci ka mitatcik « Ministère terre et forêt » ota Québec askik. La Tuque wirictam ki otitiko peikw niheriw ka miremakanik.
1919 ka tatopiponikak mitcet kekocica ki iciwepan mitcerika e kotcitakaniwokipan. Otehimin pisimw nictam ka opohomakak ka miremakak « La Vigilance » ka icinikatekipan kirawe warawik kitci ki ici takociremakak. Nicto kicko ki tacikam naha ka miparitatc Stuart Graham neta e otci matceretc Halifax nac Lac-à-la-Tortue. Mocak kata mikowinaniwon ni ka iciwepak. Ekoni apitc ka kitciparik e akitakok ka miremakik e pamiparik ota Canada askik.
Ka kice nanakatcisitc
Peiko pisimwa ka ickwa icwepak, aci minawatc nihe ka miremakak « La Vigilance » naha ka miparitcatc Stuart Graham, wirictam ki wapatam e ickwaterik notcimik neta sakihikanik Croche pecotcik La Tuque. Kiapatc apiw tetipawactcitcikan e mictikowitc ka akokespan ni apitc ka miremakakik. Nete apiw ka ici ponemakaki ka miremakaki anotc La Tuque ka takok.
Takon ota La Tuque e tiperitak pehokomokoriw ka miremakaki e ici ponemakaki e tca asinikanikatek, 1 524m astci kinowaw. Takon kaie « aérogare » ka icinikatek acitc ke ici otinikatek ka apatcitakaniwok kirika retio kitci ki nantokiskeritcikatek apitc ke opohomakok ka miremakak e kicikak. Mitceno kaie ka miremakaki tato kicko ka ponemakaki sakihikanik tatwaw e nipik.