Actowehike iriniwok otenak La Tuque 1915.

MIA KI ITI OCIMOHAKANIWOK E ICKWATERIK

E micta mirowacik notcimik actew kitci mantokasonaniwok kitci ki manatcitakaniwok. Ka miremakaki ni nictam e ki wapatakik e ickwaterik notcimik icpimik e otapatakik, wipatc ki tawok actwehike iriniwok kitci nta actwehiketcik notcimik.

Tesewekihikan ka actek actowehike iriniwok ka ici otamirotcik.

Ka tiperitak acitc otirinima

14 mikomini pisimw 1913 ka tatopiponikak nictam actwehike iriniwok ki tawok Ferdinand Pagé tipertamopan acitc Léo Leclerc witcihikopan e mihatcik 12 actwehike iriniwa. Nama koctamopanak ka actwehiketcik e icatcik ka ici ickwaterik misawatc tepirak 1 $ peiko tipahikan e kicikwakaniwitcik, 5 $ peiko kicko.

Kice atawe iriniw

Kekat peiko pipona ki pehonaniwon kitci otapinikatek otapan atikw ka otapetc, e iskwatowakanikatek 575 $ e itikitakok. Nama taripan atikw ota otenak La Tuque kitci otapetc niheriw otapaniw. Ki tca awihasonaniwon atawekamokok F.X Lamontagne peikw atikw. Tatwaw e awihasonaniwokipan 2 $ kicikwakaniwipan naha kice atawe iriniw.

E Ickwa niarano pisimweak ki otapinakaniwok atikw 300 $ e itikitakositc. Taka tatwaw actwehike iriniwok ki koctatikoniw wirawaw otci kitci witcihatcik awiriw e ickwaterik. Kicteritakosiwok kaskina.

Tesekihikan acitc « la sirène »

1917 la tatopiponikak ki ocitakaniwonokopan micta tesekihikan. Okitc « hôtel de ville » ki akotakaniwonopan kitci mikowinaniwok e ki pe iciwepak weckat. 1963 ka nitinikatek naha tca « la sirène » meckota ki arakaniwiw. « Société historique » ka icinikatek ota ka takok La Tuque tiperitam nikeriw tesekahikaniw 545 Kilo e asitci kosikok (1 200 livres). Réjean Berman minawatc ki otitoko. Louis Jeffrey wewerita ki kasinam neta tca aci actew « Caserne » ka icinikatek La Tuque takok esko 2006 ka tatopiponikak. Nama tepirak e ickwatekipan motetinopan kirika ka ntoparinaniwok minawatc. Misawatc e kickeritakok e mikowinaniwok ka ki iciwepak, mitcetiwok e ki kackihotcik e ickwaterik osam e ki motetinik tesekihikaniw.