Language

Anotc micta kipahikan ka otinamaketc onimiski ickoteriw La Tuque ka tatc.

EPITC MACKOWISIMAKAK NIPI

Nihe Saint-Maurice sipi matci kata ki otinamakew onimiski ickoteriw. Ka iti kitciparik 1900 e tatopiponikak niha « Brown corporation » acit « Shawinigan Water and power Company « (SWPC) wirictamiwaw ki wapatamok kitci ki onimiski ickotekaniwok sipi e opatak. 1930 ka tatopiponikak tapickote ki ocitawok niheriw « Saint-Maurice Corporation » Tapickotc ki otamirowok kitci ocitatcik « Centrale » ota otenak. Wirawaw ka ki totakik kitci takok onimiski ickoteriw ota Haute-Mauricie askik. Weckat kete kipahikan nitimik ocki kipahikamik ici apiw.

Ka ocihakaniwitc La Tuque micta kipahikan apitc 1938 acitc 1940.

La Tuque onimiski ickote « Centrale »

1938 ka matce ocitakaniwok nihe « Centrale ». 1940 tca ka kictakaniwok mekwata ka ntoparinaniwok 1939 ka tatopiponikak. « Art Déco » ka itaniwok e manikamiwok ekoni ka icinakotakaniwok e ici sakitatc naha « Shawinigan Engineering » (SWPC) ka ki itakaniwitc kitci ocitatc. 400 m asitci kinowaw aitowi rereak 35 m asitci icpanewisiw mitowi micta mikiwam « 9 étages » e otci icpanak. 294 « mégawatts » e asitci mackowisimakak enkoni tec kotak ka mawotci mackowisimak. E ickwa actakaniwok « 11,9 millions » tatowapiskw ki cenakaniwok « turbine alternateur » 1 nac 4 ka tatosinasotcik 1940 ka tatopiponikak, minawatc 5 ka tatosinasotc 1943 apitc, 1955 tca 6 ka tatosinasotc. 1963 ka tatopiponikak Hydro Québec ki otikiko SWPC. Aci matci kaskina awik kata ki itapikecinopan nama aci « Compagnie privés » tepirak. 2000 ka tatopiponikak « Hydro Québec » ki arew « roues de turbine » kirowe e mackowisiritci.

Mitato « Centrale » peikw sipi

Micta sakihikanik Gouin otcitciwon Saint-Maurice sipi nac neta « Centrale » La Tuque takocitciwon. Niaran kotakihik « centrales » mamik ki pe ici mitciwon. 381 km maka iskwaw kiwetinok nac cawonok nihe sipi. St-Laurent micta sipik ici matapetciwon. Neta Saint-Maurice sipik 36 000 sakihikana matapetciwon neta Saint-Maurice sipik. Tcike maka tca mackowisimakan!

10 « Centrales » takon sipik kiwetinak nac cawonok : Chute-Allard, Rapide-des-Coeurs, Rapide-Blanc, Trenche, Beaumont, La Tuque, Rocher-de-Grand-Mère, Shawinigan 2, Shawinigan 3 acitc La Gabelle.